Unemployment Insurance (UI) Phau Ntawv Rau Cov Thov

Tshooj 2 - Mus Thov Nyiaj Pab

English  |  Español  |  Hmoob

---

Yog tias koj tsis muaj haujlwm ua thiab koj tau ua haujlwm rau ib tug tswv ntiav haujlwm them los ntawm txoj Kev Thov Nyiaj Povhwm Poob Haujlwm (UI) txoj cai nyob hauv 18 lub hlis dhau los, koj tuaj yeem thov rau Nyiaj Povhwm Poob Haujlwm (UI).

Kev thov Nyiaj Povhwm Poob Haujlwm (UI) yog txheej txheem 2 kauj ruam:

• Ua ntej, ua daim ntawv thov thawj zaug (initial claim application). Peb yuav tshuaj xyuas koj cov nyiaj khwv tau los thiab txiav txim siab seb koj puas tau khwv nyiaj ua haujlwm (wages) txaus kom tsim nyog rau kev Thov Nyiaj Povhwm Poob Haujlwm (UI). Ua daim ntawv thov thawj zaug (initial claim application) ib leeg xwb yuav tsis pib xa tawm cov Nyiaj Pab Povhwm Poob Haujlwm (UI).
• Thib ob, ua ntawv pov thawj thov txhua lub limtiam (weekly claim certification) rau txhua lub limtiam koj xav tau cov Nyiaj Pab Povhwm Poob Haujlwm (UI). Daim ntawv pov thawj thov txhua lub limtiam (weekly claim) ua rau cov nyiaj them rau txhua lub limtiam koj tsim nyog tau.

Thov Thaum Twg

Thov Nyiaj Povhwm Poob Haujlwm (UI) rau ib qho ntawm cov laj thawj no:

• Koj poob haujlwm tag nrho,
• Koj cov nyiaj ua haujlwm tau los txhua lub limtiam raug txo,
• Koj cia siab tias yuav raug tshem tawm hauv 13 lub lis piam tom ntej thiab xav pib koj lub xyoo nyiaj pab (benefit year) ntxov, losyog
• Koj tau koom nrog hauv txoj Trade Adjustment Assistance (TAA) Program. Txoj TAA Program pab cov neeg ua haujlwm uas poob haujlwm vim muaj kev sib tw txawv tebchaws, kuj muaj li txoj haujlwm raug tsiv tawm sab nraud Tebchaws Meskas. Yog xav paub ntxiv, thov mus saib https://dwd.wisconsin.gov/trade lossis hu (888) 258-9966.

Yog tias tag nrho koj cov kev haujlwm hauv 18 lub hlis dhau los yog haujlwm ua hauv Wisconsin, ua ntaub ntawv thov hauv Wisconsin, txawm tias tamsim no koj nyob hauv lwm lub xeev.

Koj yuav tsum ua ib daim ntawv thov thawj zaug (initial claim application) nyob rau hauv 7 hnub ntawm qhov kawg ntawm lub limtiam uas yog Hnub Sunday rau Hnub Saturday (calendar week) uas koj xav tau txais ib qho kev them Nyiaj Pab Povhwm Poob Haujlwm (UI). Yog koj tos ua koj ntawv thov (claim), koj tuaj yeem poob nyiaj pab. Txhua zaus koj tso tseg kev ua ntawv pov thawj thov txhua lub limtiam (weekly claim certifications) thiab xav pib dua, koj yuav tsum ua ib daim ntawv thov thawj zaug.

Piv txwv li, yog tias koj poob haujlwm rau Hnub Monday lub 3rd ntawm lub hli, koj tuaj yeem ua daim ntawv thov thawj zaug rau Nyiaj Povhwm Poob Haujlwm (UI) nyob rau tib hnub lossis lwm hnub rau lub limtiam ntawd lossis lub limtiam tom ntej.

Yuav Ua Li Cas Thov

• Mus rau my.unemployment.wisconsin.gov.
• Mus nyeem thiab txais cov lus thiab txoj cai (terms and conditions).
• Tsim ib lub username thiab password.
  Nco Tseg: Thaum koj tso cai siv cov kev pabcuam online, koj tuaj yeem tau txais tsab ntawv txheeb xyuas tus kheej nrog ib tus lej xa tuaj uas yuav tsum tau siv hauv xya hnub.
• Nkag mus rau thiab qhib kev pab (benefit services) nyob online.
• Ua koj daim ntawv thov thawj zaug kom tiav.

Thov online thaum lub sijhawm no:

• Sunday, 9:00 AM - Ib tag hmo
• Monday – Friday, Ncav Cuag (reachable) 24 xuab moos
• Saturday, Ib tag hmo - 3:00 PM

Yog tias koj tsis tuaj yeem thov online, hu ib tug neeg pab leg ntaub ntawv ntawm (414) 435-7096 losyog hu dawb ntawm (844) 910-3661 thaum lub sijhawm ua haujlwm.

Yam Yuav Tsum Paub Thiaj Thov Tau

Kev thov Nyiaj Povhwm Poob Haujlwm (UI) yooj yim dua thiab sai dua thaum koj muaj cov ntaub ntawv qhia tseem ceeb hauv tes. Cov ntaub ntawv qhia koj muab yuav raug siv los txiav txim koj kev tsim nyog tau Nyiaj Povhwm Poob Haujlwm (UI).

Teb tag nrho cov lus nug kom tag thiab kom raug. Koj tuaj yeem raug nplua yog tias koj muab cov ntaub ntawv qhia cuav kom tau txais nyiaj pab. Cov ntaub ntawv qhia koj muab tuaj yeem raug txheeb xyuas los ntawm cov ntaub ntawv sib txuam lossis nrog koj tus/cov tswv ntiav haujlwm. Thov tshuaj xyuas Fraud and Quality Control mus kawm ntxiv.

Ua kom koj daim ntawv thov thawj zaug (initial claim application) ceev thiab yooj yim, npaj cov ntaub ntawv qhia no:

• Lub npe siv nkag (username) thiab tus lus zais nkag (password) (rau kev ua ntawv thov online).
• Ib tug email chaw nyob siv tau losyog tus lej xovtooj ntawm tes.
• Koj tus chaw nyob tam sim no.
• Koj tus lej xaus saus.
• Koj daim ntawv tsav tsheb Wisconsin lossis tus lej ntawm koj daim npav ID (yog koj muaj ib tug).
• Koj cov keebkwm ua haujlwm rau 18 lub hlis dhau los, kuj muaj:
  • Cov tswv lag luam lub npe.
  • Cov tswv ntiav haujlwm chaw nyob (kuj muaj zip code).
  • Cov tswv ntiav haujlwm lej xovtooj.
  • Thawj hnub thiab hnub kawg ntawm kev ua haujlwm nrog txhua tus tswv ntiav haujlwm.
  • Yog vim li cas tsis ua haujlwm nrog txhua tus tswv ntiav haujlwm.
• Yog tias koj tsis yog neeg xam xaj Asmeskas (U.S. citizen), koj tus lej sau npe neeg txawv tebchaws (alien registration number), daim ntawv naj npawb, thiab hnub tas sijhawm.
• Yog tias koj ua tub rog hauv 18 lub hlis dhau los, Form DD-214.**
• Yog tias koj yog ib tug neeg ua haujlwm hauv tsoomfwv, Form SF-50 losyog SF-8.
• Yog koj yog ib tug tswv cuab ntawm lub union, lub npe thiab tus naj npawb hauv cheeb tsam ntawm koj lub union hall.
• Yog tias koj xav tau Nyiaj Pab Povhwm Poob Haujlwm (UI) them los ntawm kev tso nyiaj ncaj qha, koj lub txhab nyiaj, koj tus lej routing thiab koj tus lej account.

Tom qab koj ua ntawv thov, tej zaum koj yuav raug hu mus muab cov ntaub ntawv qhia ntxiv txog koj qhov kev tsim nyog tau Nyiaj Povhwm Poob Haujlwm (UI). Teb tam sim ntawd rau txhua qhov kev thov rau cov ntaub ntawv qhia los ntawm DWD.

Yog tias koj tsis koom nrog kev tshawb nrhiav qhov tseeb, koj tuaj yeem poob nyiaj pab.

---

Hloov tshiab: Ib Hli Ntuj Hnub 4, 2024